Mae’r flwyddyn ddiwethaf wedi bod yn ddigyffelyb o heriol i holl drydydd sector Cymru. Rydyn ni wedi gweld newid cyflym, arloesedd a hyblygrwydd anhygoel.

Nawr, rydyn ni angen cynorthwyo’n gilydd i symud ymlaen eto drwy sicrhau bod ein gallu digidol yn gadarn ac yn diwallu anghenion y bobl rydyn ni’n eu gwasanaethu.

Bydd y rhaglen hon yn eich helpu chi a’ch mudiad i sicrhau eich bod yn barod am y byd digidol yn 2021 a thu hwnt.

Pryd:
6 awr yr wythnos am 6 wythnos, yn dechrau ar ddydd Llun 17 Mai

I bwy:
Uwch-arweinwyr mewn mentrau cymdeithasol ac elusennau yng Nghymru

Lle:
Wedi’i chyflwyno ar-lein drwy gymysgedd o weithdai a hyfforddiant

Cost:
Wedi’i thalu amdani’n llawn gyda chymhorthdal gan CGGC a Llywodraeth Cymru

Cefnogwyd gan CGGC a Chanolfan Cydweithredol Cymru 

Cyflwynwyd gan Third Sector Lab, Open Change a Service Works

Dros gyfnod o chwe wythnos, byddwch chi’n canolbwyntio ar:

• Strategaeth ddigidol
  Byddwch chi’n edrych ar beth y mae hyn yn ei olygu a sut i’w integreiddio â strategaeth ehangach eich mudiad

• Datblygu gwasanaethau digidol
  Gan ddefnyddio’r dull dylunio gwasanaeth Darganfod, Diffinio, Datblygu a Darparu, byddwch chi’n gweithio trwy broblem y mae eich mudiad yn ei hwynebu

• Cynyddu gallu digidol
  Drwy arbrofi â gwahanol offer a thechnegau, byddwch chi’n gallu rhannu sgiliau newydd o fewn eich mudiad

Byddwch chi’n cael cyfle i ymhél ag amrediad eang o brofiadau dysgu:

• Dysgu profiadol:
  gweithdai ymarferol a dosbarthiadau meistr arbenigol
• Cymorth wedi’i deilwra i chi a’ch mudiad:
  cyfleoedd i weithio gyda hyfforddwr ar heriau neu broblemau penodol
• Cefnogaeth gan gymheiriaid:
  ymunwch â rhwydwaith o ymarferwyr ar draws y sector sy’n wynebu problemau tebyg
• Ysbrydoliaeth am arferion gorau:
  dysgwch gan fudiadau ac arweinwyr llwyddiannus yn y byd dylunio gwasanaethau digidol

Mae hon yn rhaglen ymarferol lle byddwch chi’n gweithio trwy broblem benodol y mae eich mudiad yn ei hwynebu. Gallwch ganolbwyntio’n fewnol neu’n allanol.

Er enghraifft, gallech fod yn ystyried:

• Sut i ddatblygu eich gwefan fel ei bod yn diwallu anghenion eich defnyddwyr yn well 

• Sut i gyflwyno gwasanaeth presennol ar-lein 
• Sut i integreiddio systemau mewnol fel eu bod yn fwy effeithlon

Byddwch chi’n:

1. Darganfod beth yw’r broblem drwy gynnwys defnyddwyr gwasanaethau i ddeall yr hyn y maen nhw ei angen a sut allai hyn fod yn wahanol i’r hyn rydych chi’n ei wneud ar hyn o bryd 
2. Diffinio’r broblem a’r her rydych chi’n ceisio ei datrys 
3. Datblygu datrysiadau amrywiol posibl i’r her  
4. Cyflwyno prototeip syml i’ch helpu chi i benderfynu beth i’w ddatblygu 
5. Creu cynllun gweithredu er mwyn pennu eich camau nesaf

Rydyn ni’n targedu ‘uwch-arweinwyr’ yn benodol sydd â’r awdurdod i gyflwyno newid gweithredol, go iawn yn eu mudiad drwy ddigidol.